E nder reedu Fuuta, diiwaan biyeteeɗo Boosoya, e wuro wiyeteengo Kayhayɗi, dewgal banndiraagal ko nii yahranno: Resondirta ko ɓiɓɓe baaba, resondirta ko ɓiɓɓe yumma (remmeraaɓe), resondirta ko denɗiraaɓe, resondirta ko fotɓe jibinannde, resondirta ko fasiraaɓe. So tawii ɓiɗɗo debbo jibinaama tan, o nangante bandiiko, wiyee ɓiɗɗo gorko haɓɓi e makko tekkere. Walla o haɓɓanaama e makko tekkere.
|
14 Seeɗto (Mars) 1983, 14 Mars 2011, ko hikka waɗi duuɓi joogaas e jeetati (28) caggal jibineede Annebi Iisaa ko Fedde politikyankoore haɓateende taƴde geƴƴelle e koyɗe ɓaleeɓe wiyeteende FLAM (Forces de Liberation Africaine de Mauritanie)jibinanoo tawa payndaale mayre dagiiɗe ko taƴde geƴƴelle kaɓɓaaɗe e daaɗe ɓaleeɓe leydi Muritani haa teeŋti noon e leñol wiyooɓe mbiy mi walla wiy maa mi en ɓe.
|
Seneraal Abdul Asiis siifii ɗerewol ŋabbinoowol Kolonel Muhammed wul Muhammed Sanaagii,mo ngannduɗaa ko kañum woni Cukko mawɗo Etaamasoor Nasiyonaal,yoo ŋabbu garaad wonde Seneraal e nder Konu Moritani.
|
Ñaawirde waɗam boniiɓe ɗoo e Nuwaasoot,udditii gila Heccitaawel e gagdagol Mawɗo Leydi ndii,hono Seneraal Asiis,o hollitii toon caggal nde o ɓami konngol,wonde Ñaawirɗe Moritani en cokli e ballal no feewi e nawreede yeeso ngam ɓamtoo e golle mum.
|
Ceerno Alfaa habiibu Jallo jeyaaɗo to Mbummba saŋkiima to Ndakaaru. Fuuta kadi waasii gooto e jaale mum diine. Ceerno Alfaa, jibinanoo ko e hitaande 1940 to Mbummba. O ruttii ko e yontere ɓennunde. O wirnaa ko Ndakaaru.
|
edde Citoyennes & Citoyens Debout juɓɓinii ñalɗi « Caalel ngenndiyanke» ngam hokkude sukaaɓe Sebkha e Elmina waawde yeewtidde e suɓaaɓe laamu kominaaji ɗiin nokkuuji ngam yiilaade heen ɓamtaare renndaande.Ngaal dental ganndiraangal « Caalel ngenndiyanke » renndinnoo ko sukaaɓe worɓe 53 e rewɓe 22 to Nuwaasoot arɓe yeewtidde e sukaaɓe laamu (elus) mumrn. Ko ɓuri heede e ɓeen sukaaɓe ngiwi ko e duɗal jaaɓi haaɗtirde Nuwaasoot, pelle sukaaɓe e rewɓe gonɗe e nder Sebkha e Elmina.
|
|
|
<< Début < Préc 1 2 3 4 5 6 7 8 9 10 Suivant > Fin >>
|
JPAGE_CURRENT_OF_TOTAL |