Ceerno Alfaa habiibu Jallo jeyaaɗo to Mbummba saŋkiima to Ndakaaru. Fuuta kadi waasii gooto e jaale mum diine. Ceerno Alfaa, jibinanoo ko e hitaande 1940 to Mbummba. O ruttii ko e yontere ɓennunde. O wirnaa ko Ndakaaru.

Ceerno Alfaa noon, naatiino jaŋde diine law. O fuɗɗii huufde alluwal ko e les njiimaande baaba makko, Ceerno Bookaar, tawi o mo yahra duuɓi jeeɗiɗi. Ko ɗoon kadi o woni haa o reeni deftere seniinde nde. Caggal almudaagal haa e cernaagal makko fof, ceerno Alfaa ina anndiranoo toŋtude ɓiɓɓe fuuta e jaŋde diine islaam. O udditii duɗe quraana keewɗe, ɗe ina heen duɗal makko Seek Abdul Asiis Tuure to Faas Ndakaaru e duɗal Siddiik to Garaa Yoof.

Duɗal makko to Faas too fuɗɗorinoo ko 167 almuudo ; ko 2 ngonnoo heen haal-pulaar en kono hannde e ngal lima 700 almuudo tawii 500 ɓe ko wiyooɓe « mbiimi ». Duɗal makko Garaa Yoof ngal ina naniraa kadi waawde mum jaŋde. E nder hitaande fof, e ngal ɓaarna almudɓe 4 ɓe duuɓi 16 fayi less. E nder ɓeen almudɓe ɓee fof, ko kanko joginoo ɓe, ɓe njoloytaako.

Ceerno noon ina woppi sukaaɓe mawɓe caggl waawɓe heɓɓitaade duɗe ɗe. Ina heen tato reenɓe ɓaari hono Ceerno Ibrahiima Jallo, Ceerno Yahyaa Jallo, Ceerno Umaar Jallo. Ceerno Usmaan, Bookar, Jibriilu Jallo kañum en ɓaarii alluwe mumen.

Ceerno Alfaa ina lollirnoo yahde hajju hitaande kala. O mo tettinnoo kadi juuroyaade ceerno Seeh Tijjaan to Cees e nder hitaande kala.

Goomu Lewlewal Group Networks duwaniima almudɓe e seerenɓe ɓee fof haa teeŋti noon e ɓesngu makko kañum dental raabit Ulamaa Senegaal e gardagol ceerno Madaani Taal. E ciftoor ko kanko reennoo ngalu ndeen fedde maa won jooni duuɓi 10 e nder nuunɗal ngal hono mum weeɓaano.

kuɗol Abu Gay, Lewlewal Group Networks, www.mbiimi.com