amma aljumaa, 14 lewru siilo 2011, jofɗo hoyre-biir, Nuwaasot, laamorgo dowla Muritani dillii, iiñtii no feewi. Hay safalɓe, sooninkooɓe e jolfuɓe tindii won ko naati wuro ngoo ko famɗaani doole. Rewɓe nana nduñondira e damuɗe gollorɗi fuuɗooɓe, moorooɓe e sinkooɓe. Yeeyatnooɓe ngaanii sabu soodooɓe kawii ɗumen, nana ndartii ena naamndoo hol ko jogori kewde e ndee sahre. To bannge worɓe, sukaaɓe e mawɓe nana njiirondira ñootooɓe e sakkeeɓe.

jeñtudi cufal hoyreejo leydi lofu ngadanu mbaɗnoongu ñalnde 31 lewru maayndu ndu ina wayino anndaama nii gila ñalnde 4 lewru ngon-ɗen ndu. Nde tawnoo hay go’to e ƴamooɓe sappo ɓe heɓaani 50% e wiyde hoyreejo goomu cufal ngu, lofu ɗimmu ngu waɗata ko ñalnde 12 lewru Seeɗto arooru ndu, e so tawii laamɗo jaɓii jogori hiwondirde e oon ngar mi ngaraa ko worɓe ɗiɗo hono Mohammadu Isufuu coñɗo 36.06% mo lannda Pnds Tarayya e Seyni Umaru mo lannda Mnsd Nassara kañum ne soñi ko 23.24%

ggaama e ndee jaaynde Sa’uudiyankoore inneteende Al-watan wondema hajjunkeeɓe ɗiɗo yahrii Makka hikka pucel-njamndiji fii tottugol farilla hajju, ɓe holli wondema ɓee ɗoo hajjunkeeɓe ko Sawt Afrika woni to ɓe iwri, ɓe waɗii ko yahata kiloo ujunaaje sappo e laawol ado ɓe hewtoyde.

To Keer, leydi Ejipte, ñalawma aljumaa 28 saawiyee 2011 oo, ko gulɗo no feewi : ko ɗum addani persidaa Hosni Mubaarak yamirde ndeenka konu wonande jammaaji ɗi. Ina wiyee, walla nii yimɓe aduna oo kala mbaawii seedaade ɗum e tele Jasiira, soldateeɓe ɓe e seppooɓe ɓe ina kollita cehilaagal hakkunde mum en. Mbele jogoraani ɓurde ɗoon ? Hol ko konu leydi ndi jogori waɗde ?

Luuti jibintee ko caggal baaba mum! E oo sahaa mo min njettinta oo kabaaru, Rashid Ghanuci, hooreeejo lannda Ennahda, kaɗaaɗo yamiroore dillude e dawrugol Tunisii e laamu Ban Aali, ummiima hannde London, ɗo o moolinoo ɗii duuɓi noogaas kala. Ko AFP (Agence France Presse) hokki kabaaru oo e subaka. Ko ɓiyi makko debbo SUmayya Ghanuci mo o ɗannodtoo habri AFP keborgol makko jolde e ndiwoowa beetawa Dewo ngam ruttaade to Tunisii.

Ko sunaare mawnde ummorii Senegaal-naaɓe to leydi Muritani. Hono suka gooto nootirtooɗo e innde Seek Siidi Ndooy, ɓiyi mum gooto e sirlidiiɓe ammbasadoor Senegaal gonɗo to Muritani wartiima. Wiyaama ko yiɗde mo makko yahde Amerik, wiyaama kadi ko o dañaani seedamfaagu makko e bakkaloriyaa.