amiil Wul Mansuur jeyaa ko e worɓe dawriyankooɓe naatirɓe damal mawngal jeyaa; ngaal woni ummanaade ndimaagu kam e potal. Ko darnde ngam daɗndude miijooji ɗi roondii, o tabitini ɗum e golle nde o ardii komin arafaat, ɗo ɗowgu makko yeeɓaa, o taƴii geɗe ɗe ndewaani laawol, ɗe yuɓɓo laamu ɓennungu nguu mahi e renndo ngoo. Ndeen darnde addani mo jennooje, jagge e dow belaaɗe, dummbeede haa nawi mo laawol tumarankaagal.Kanko kala e hisnoode to Belgik, o felliti artude e leydi makko ngam jokkude darnde ko nguun tonngu waawi dasande mo kala.

Caggal bappi e gaanti, caggal jonte ɗiɗi haa njahdi e naange seppooji (gila 25 saawiyee), Hosni Mubaarak, gonnooɗo hooreejo leydi Misra, woppii laamu kam ne. Waɗi en wiyde ɓesngu Misra nawii raay, ko sippiro mawngo wonnoo ɗoo, sibu alaa fof feere nde Hosni huutoraaki ngam heddaade e laamu ; kono pellital ɓesngu ko doole ɗe kanndotaako. Hade men anndude ɗo fayaa, eɗen nduwanoo denndaangal ɓesnguuji kiiɗaaɗi, kollaaɗi kaɗaa, ngaluuji mum en ndusaa, kaɗaa haalde e weytaade, yo Alla waɗan ɗum en nii. Yo Alla hokku ɗiin ɓesnguuji jogaade pellital Misranaaɓe haa polla laamuuji fenaande e nguyka. Aamiin.

AJD/MR Lannda ka Ibraahiima Moktaar Saar ardii ka,ka tawtoyii dental lanndaaji cawndiidi Abdul Asiis e laamu mum ! Tawtoygol AJD/MR Lanndaaji Catiiɗi ɗowngu Abdul Asiis,heewɓe mbiy bettaani,wiyaa wiyaa ene heewi heen. Ko selli koo tan,ko Ibra yehii,tawtoyii sete Asiis,kono e hol mbaydi ?

Ko caggal nde hala maɓe wuli ha ɓurti nde jemil Mansour e Slama Ould Abdallahi piindiri  kikiɗe hoore bir 25 bowte ɗo e Nuaksoot. Ɓe luurdi ko e hala keblugol eɓɓannde kuulal jowitiingal e kaayitaaji jibinannde(juddu).

alawma tesketeeɗo daatol Ejipt e leyɗeele aarabeeɓe! Ko hannde waɗti balɗe sappo e jeetati filñitaare ɓesngu Ejipt fuɗɗii. Konngol ko gootol e kunuɗe teemedde ujuneere neɗɗo saliiɓe ummaade e boowal Tahriir gila ndee: Mubarak yoo yah! Kono gardiiɗo laamu Ejipt ɗii duuɓi 30 meeɗaa hollude yeeso jogorɗo tellaade e jappeere gila filñitaare ndee fuɗɗii. Kono seedaama wonde Kooniŋkooɓe leydi ndii caliima gila adan fellude ɓesngu mum'en. Ko ɗum waɗi cuusal ɓeydii e deedi sepooɓe ɓee haa oo ñalawma teskinɗo e daartol Ejipt mo Mubarak riiwaa e laamu.

Ciftoren, eɗen poti siftorde ko hikka waɗti duuɓi 33 ko lampa diine mawka, annoore ganndal seedtinnde, timmoode waliyaaɓe laaɓtunde hono Alhajji Mahmuudu Bah Jowol (yo yurmeende Alla won e makko) ruttinoo e joom mum, ñalnde 04 lewru siilo hitaande 1978.