Depiteeji ɗiɗi keɓi fidirnde |
Ko caggal nde hala maɓe wuli ha ɓurti nde jemil Mansour e Slama Ould Abdallahi piindiri kikiɗe hoore bir 25 bowte ɗo e Nuaksoot. Ɓe luurdi ko e hala keblugol eɓɓannde kuulal jowitiingal e kaayitaaji jibinannde(juddu).
Cuɓaaɗo nokku Geru tawi ko e lannda UPR gardiiɗo goomu ñaawoore e suudu ndu Slama Ould Abdallahi, adii haalde ko yowiti e kaayitaaji ɗi. Koo haali heen ko; henanaaki luutdiiɓe laamu ɓe. Ko ɗuum addi sekre Jemiil Wul Mansuur. O ñaagi konngol ngam jaabaade ko suɓaaɓe wonduɓe e laamu ngu kaali ko. Jemiil Mansur ummi ha to wonno fayi nokku Slama Wul Abdallahi ngam jaabaade mo e ko haali ko. Ko ɗoon ɓe ngoni e jaabodirde haa muusi. Jemiil Mansur felliti rokkude mo womre. Hankadi yimɓe fof ngummi. njagge Jemiil, njagge Slama e dow jeese amen. gulaali keewi. Suudu ndu,haa wayti no fijirde ni. Jemiil Mansur wiy: ko kaayitaaji ɗii no laamu nguu yiɗiri yuɓɓinirde ɗi nii, wona noon foti wonirde. E tee goomu ngu waawah wonde tan hakunde yimɓe jiiduɓe leñol gootol(Safalɓe woɗeeɓe ɓolɓe). Ko woni goonga won yiɗɓe bonnude leydi Moritani. Sabu so tawii kaayitaaji kesi ene mbaɗee, fotaani yahdude e miijo ɗawde won e lankude won e Moritaninaaɓe. Elle ko bone jemooto leydi ndi. Mammadu Demmba Sih |
Lundi, 14 Février 2011 00:57 |