hanki kikiiɗe caggal tiisubaar,Sagateeɓe 25 Feebiriyee njiɗiino fawñaade boowal Bolokaaji,gonngal bannge fuɗnaange rewo,jehre Kapitaal,ɗoo e Nuwaasoot,ngam hollirde ɗaɓɓaale e ngoƴaaji mumen,kam e yiyannde mumen e nguurndam,kam e dawrugol ɗowngu ngenndi ndi,kono ɗum laataaki sabu ɓe tawi ko Polis ene hanndorii boowal ngal Otooji mum e garanaatuuji tookaaɗi,kam e ɓooli ɓutti…jahannooɗo yaakaare toon oo wiy:ndeen ɓe njiɗii naatde boowal ngal,ko ɗoon Polis sorti cabbi faliiɓe,soori e maɓɓe garanaatuuji,ɓe coortii e Polis kaaƴe,punndi ruuki,cuurki molli hakkunde maɓɓe,gaañiiɓe e kaaƴe,ɗojjooɓe ene isla,fekkorne e bone gaasuuji Polis,cariima baŋ yoo baŋ! Polis ene hiwa eɓe maapoo,ngam yiɗde naatde boowal ngal,kaaƴe ene toɓa,garanaatuuji ene petta,gaañiiɓe ene njooroo,hay yahatnooɓe,wirtinooɓe kisaani bone gaasuuji e kaaƴe maɓɓe!.

Ko ɓe kaɓata koo fof,sagataaɓe 25 Feebiriyee ɓee,njogitii e kunuɗe mumen ko konngol gootol,eɓe mbiya:”As-saabu yuriidu islaah annisaam”(ngenndi ndii yiɗi,ko feewnitde njuɓɓudi ndi)ko ɗuum woni konngol maɓɓe.

Kono hol mbayliigu noddateengu nguu ? ɗoon ene tunndi hakkillaaji,sabu noddooɓe mbayliigu e Moritani ɓee e noddateeɓe yoo mbaylo ɓee fof ko gootum,mburu fof ko farin,waɗde mbiyen ɗo dogee waɗii,ɗo huccee woodaani!kural ngal woorataa ma noon,teɗɗin reedu maa yana heen,ndañaa wune. Abdul kelli www.yaakaare.com

© 2011, Goomu yaakaare.com.