Ahmed wul Neynii Jaagorgal Diine Islaam Leydi Moritani,hollitii e Habrirde Leydi ndii,wonde Muhammed wul Abdul Asiis,Hoyreejo Leydi ndii yamirii mo,yoo winndito denndaangal Moritaninaajo baranooɗo e Leydi hee,gila e puɗal naange jeytaare,haa yettii ngee ɗoo ñallunge hannde !ɗum ɗoo noon o haali ɗum ko hannde,to Galle Ministeer makko too,e tawtoreede Goomu mawngu,ne e nguun Goomu :
Yimɓe Jaagorgal Nderndere Leydi ndii(Enteryeer)Jaagorgal Ñaawooje(Jistiis)Daraniiɓe Jojjanɗe Aade e tawtoreede Gowerneer Nuwaasoot,o wiy : Adul Asiis yamirii kam,yo mi winndito denndaangal baranooɗo e Leydi hee,gila ndeen,haa jooni,moni heen kala ɗo lelii,Yanaande mun anndee ɗo woni,mbele maa koreeji mum nganndu ɗo woni,mbaawa juuraade ɗum…ne jeyaa e ɓee ɗoo winnnditteeɓe noon :Waranooɓe 16 Marse 1981, e 89,90 e 1991…woni Maayɓe Ɓaleeɓe ,ɓe koreeji mumen,ceeraani e yiɗde anndude ɗo ubbaa e no ubbiraa… Daraniiɓe Jojjanɗe Aade en heewɓe ene njogii kulhuli e waasde ɗum waɗireede no foti wonirde nii,ɗuum noon ko sabu wonde,ko heewi e terɗe Laamu nguu juuɗe mum en ene moddi e ƴiiƴe ɓee ɗoo wiyteeɓe ene mbinnditee ɗoo hannde,ɓe mbiy so tawii ko goonga e maɓɓe(Laamu nguu) yo ɓe coɗ heen,jaambureeɓe e Daraniiɓe Jojjanɗe Aadee…haala maɓɓe kaa ɗoo noon,ɓuri ñiiɓde e waawde deeƴde e hoyre keɗiiɗo !.
Pullo yaakaare www.yaakaare.com |